Пра гэта паведамляе тэлеграм-канал МотолькоПомоги, адзначаючы, што заўтра Вінаградава будуць судзіць паводле артыкулу 24.23 Кодэксу аб адміністрацыйных правапарушэньнях (парушэньне парадку арганізацыі або правядзеньня масавых мерапрыемстваў).
Да таго сам Вінаградаў паведаміў на сваёй старонцы ў фэйсбуку, што ў яго адбываецца «агляд памяшканьня».
Пазьней жонка Паўла Вінаградава Сьвятлана паведаміла на сваёй старонцы ў фэйсбуку, што Паўла затрымалі за допіс у ФБ ад 8 траўня. Там, на думку міліцыі, утрымліваецца заклік да выхаду на акцыю.
Павал Вінаградаў быў арыштаваны і зьняволены пасьля акцыі пратэсту супраць фальсыфікацыі вынікаў выбараў 2010 году. Прабыў у турме з 5.01.2011 да 14.09.2011.
