Лінкі ўнівэрсальнага доступу

Пад Лунінцам зрабіў цьвёрдую пасадку верталёт МНС, пілёты выжылі


Жорсткая пасадку верталёту Мі-2.

27 чэрвеня падчас авіяцыйнага патруляваньня лесу каля вёскі Чарабасава Лунінецкага раёну зьдзейсьніў аварыйную пасадку верталёт Мі-2 авіяцыі Міністэрства надзвычайных сытуацый Беларусі.

У ведамстве паведамілі, што пацярпелых няма, пілёты самастойна пакінулі машыну пасьля пасадкі. Спэцкамісія высьвятляе абставіны здарэньня.

19 траўня на ўскрайку Баранавічаў пацярпеў катастрофу вайсковы самалёт Як-130, два лётчыкі загінулі.

Тым часам спэцыялізаваны тэлеграм-канал «ОтВинта» («Авіяцыя Беларусі») піша са спасылкай на ананімныя крыніцы, што камандзір верталёта шпіталізаваны, другі лётчык-назіральнік сур’ёзна не пацярпеў, а тэхніка не падлягае рамонту.

На здымку таксама відаць, што паветранае судна пасьля падзеяньня тушылі пенай.

«Борт узьляцеў з пляцоўкі ў Пінску і адправіўся па вызначаным маршруце. У раёне вёскі Чарабасава зь невядомай прычыны пачалося некантраляванае кручэньне верталёта. Дзякуючы прафэсійным дзеяньням экіпажу борт ўдалося выраўняць перад зямлёй і зьдзейсьніць цьвёрдую пасадку», — гаворыцца ў паведамленьні суполкі «Авіяцыя Беларусі».

Папярэдняя прычына — адмова тэхнічных элемэнтаў верталёту.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG