Лінкі ўнівэрсальнага доступу

Зямля перасоленая. У Менску больш за 2 тысячы дрэваў не прачнуліся пасьля зімы


Сёлета ў сталіцы засохла ў дзесяць разоў болей дрэваў, чым летась. Прычына — рэагенты, якімі пасыпалі дарогі ўзімку, сказала прадстаўніца Менскзелянбуду Анжаліка Пузікава minsknews.by.

«Адбіралі пробы глебы на асноўных праспэктах і МКАД, вынікі дасьледаваньня паказалі, што зямля перасоленая, — сказала яна. — Аднак гэта можна заўважыць нават няўзброеным вокам. На грунце ўсё яшчэ бачны белы налёт, гэта крышталі солі».

Засохлыя дрэвы сьпілоўваюць, але новыя ня садзяць, бо яны ў такіх умовах ня здолеюць выжыць. Беларускія навукоўцы спрабуюць знайсьці бактэрыі, якія б харчаваліся сольлю і гэтак ачышчалі глебу.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG