«Я ведаю толькі, што ўчора адбылася сустрэча бацькоў Софʼі зь ёй, сустрэча адбылася ў рэстаране, пад аховай, таму што хатні арышт прадугледжвае наяўнасьць суправаджэньня», — паведаміў Гашынскі.
Напярэдадні ў телеграм-каналах распаўсюджваліся фота, на якіх былі людзі, падобныя на Рамана Пратасевіча і Соф’ю Сапегу. Аднак ці сустракаліся яны, адвакат адназначна не адказаў. «Ведаю, што на гэтай сустрэчы (з бацькамі) Соф’я была не адна. Больш нічога дадаць не магу», — сказаў Гашынскі
Адвакат дадаў, што на Сапегу накладзены шэраг абмежаваньняў, у тым ліку на зносіны з дапамогай асабістага кантакту, з дапамогай месэнджара і тэлефоннай сувязі. У будучыні яна можа сустрэцца са сваякамі толькі з дазволу сьледчых.
Гашынскі лічыць, што перавод Сапегі пад хатні арышт зьвязаны ў першую чаргу зь нядаўняй сустрэчай Уладзіміра Пуціна і Аляксандра Лукашэнкі ў Сочы. Стан спраў Пратасевіча адвакат камэнтаваць ня стаў.
