Лінкі ўнівэрсальнага доступу

Прэм’ер-міністар Нідэрляндаў адмовіўся ўдзельнічаць у саміце з Пуціным


Кветкі каля амбасады Нідэрляндаў у Кіеве ў памяць загінулых пасажыраў рэйсу MH17.
Кветкі каля амбасады Нідэрляндаў у Кіеве ў памяць загінулых пасажыраў рэйсу MH17.

Прэмʼер-міністар Нідэрляндаў Марк Рутэ выступіў супраць ідэі канцлера Нямечыны Ангелы Мэркель і прэзыдэнта Францыі Эманюэля Макрона запрасіць Уладзіміра Пуціна на саміт зь лідэрамі ЭЗ.

Пра гэта паведамляе нідэрляндзкі тэлеканал NOS.

Рутэ заявіў, што ня супраць перамоваў кіраўніка Эўрапейскай рады Шарля Мішэля і старшыні Эўракамісіі Урсулі фон дэр Ляен з Пуціным. Аднак сам ён у такой сустрэчы ўдзельнічаць не зьбіраецца. Прычына — справа аб крушэньні «Боінгу» МН17 над Данбасам у 2014 годзе, перадае «Настоящее время».

«Але толькі не са мной», — сказаў ён па прыбыцьці на саміт ЭЗ.

Супраць саміту з Уладзімірам Пуціным таксама выступілі Эстонія, Латвія, Літва і Польшча.

Раней канцлер Нямеччыны Ангела Мэркель заклікала краіны ЭЗ весьці прамыя перамовы з расейскім прэзыдэнтам, як гэта зрабіў лідэр ЗША Джо Байдэн на саміце ў Жэнэве.

«Недастаткова таго, што прэзыдэнт ЗША размаўляе з прэзыдэнтам Расеі. Я вельмі вітаю гэта, але ЭЗ таксама павінен ствараць фарматы для дыялёгу», — заявіла Мэркель.

Прамы дыялёг, на думку канцлера, павінен «стварыць мэханізмы для магчымасьці хутка і разам рэагаваць на расейскія правакацыі».

Ініцыятыву Мэркель запрасіць Пуціна на саміт зь лідэрамі ЭЗ падтрымаў Эманюэль Макрон. У падтрымку саміту выступіў таксама канцлер Аўстрыі Сэбастыян Курц. Кіраўнік эўрапейскай дыпляматыі Жузэп Бурэль пацьвердзіў, што лідэры 27 краінаў ЭЗ абмяркуюць гэтую прапанову.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG