Лінкі ўнівэрсальнага доступу

Альгерд Бахарэвіч стаў ляўрэатам нямецкай Прэміі Эрвіна Піскатара


Альгерд Бахарэвіч
Альгерд Бахарэвіч

Узнагароду беларускаму пісьменьніку прысудзілі за два раманы і эсэістыку.

Вядомага беларускага пісьменьніка Альгерда Бахарэвіча ўганаравалі прэстыжнай нямецкай прэміяй Erwin Piscator Preis за раманы «Сарока на шыбеніцы» і «Сабакі Эўропы», а таксама за эсэістыку. Пра гэта сам пісьменьнік паведаміў у фэйсбуку.

Урачыстая цырымонія ўручэньня прэміі пройдзе ў Мюнхэне 31 жніўня. Раней прэмію традыцыйна ўручалі ў Нью-Ёрку, але праз пандэмію гэтае правіла зьмянілі.

Як адзначаецца ў паведамленьні арганізатараў, раманы і эсэ Бахарэвіча нагадваюць эўрапейцам, што «ня трэба адварочвацца, калі пануе аўтарытарызм».

«Раман „Сабакі Эўропы“, пастаўлены беларускім Свабодным тэатрам, паказвае псыхалягічныя і сацыяльныя глыбіні антыўтапічнай звышдзяржавы. Раман „Сарока на шыбеніцы“ паказвае чытачам, як хутка кожны з нас можа страціць нявіннасьць і зрабіцца дабраахвотным супрацоўнікам дзяржаўнай машыны тэрору», — напісалі арганізатары прэміі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG