Лінкі ўнівэрсальнага доступу

Журналісту Аляксандраву тэрмін пад вартай падоўжылі да паўгода


Андрэй Аляксандраў, архіўнае фота.

Палітвязень будзе знаходзіцца за кратамі мінімум да 12 ліпеня.

Тэрмін утрыманьня пад вартай журналіста і мэдыямэнэджэра Андрэя Аляксандрава падоўжаны яшчэ на месяц — да 12 ліпеня, паведаміў БелаПАН яго адвакат Антон Гашынскі.

Аляксандрава і яго дзяўчыну, грамадзкую актывістку Ірыну Злобіну затрымалі 12 студзеня. 14 студзеня ў рамках расьсьледаваньня справы Аляксандрава прайшоў ператрус у офісе БелаПАН, дзе ў 2014-2018 гадах ён працаваў намесьнікам дырэктара.

Пасьля затрыманьня Аляксандрава і Злобінай намесьнік міністра ўнутраных спраў Генадзь Казакевіч заяўляў, што з 22 жніўня па 9 лістапада 2020 году затрыманыя аплацілі больш за 250 штрафаў розным асобам. Грошы для гэтых мэтаў прадастаўляў фонд By_help. Неўзабаве падазраванымі ў справе сталі сузаснавальнікі дадзенага фонду Аляксей Лявончык і Андрэй Стрыжак, якія знаходзяцца за мяжой.

Намесьнік старшыні праваабарончага цэнтру «Вясна» Валянцін Стэфановіч лічыць прад’яўленае Аляксандраву і Злобінай абвінавачаньне недарэчным і зьвязвае яго з публічнай і праваабарончай дзейнасьцю.

У менскім СІЗА № 1 Аляксандраў і Злобіна пастаўленыя на ўлік у якасьці «асобаў, схільных да экстрэмізму».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG