Лінкі ўнівэрсальнага доступу

Пікнік зь пісьменьнікам Сяргеем Календам у Празе. ФОТА. ВІДЭА


Сяргей Календа, Прага, 12 чэрвеня 2021 г.
Сяргей Календа, Прага, 12 чэрвеня 2021 г.

У Чэхіі цягам мінулых трох тыдняў выступаў з чытаньнямі пісьменьнік Сяргей Календа зь Менску.

12 чэрвеня, перад самым вяртаньнем у Беларусь, пісьменьнік сустрэўся зь беларусамі Прагі на нефармальнай імпрэзе пад назвай «Пікнік з Календам і яго кнігамі». Сустрэчу пад адкрытым небам, у гэтак званым «Садзе Кінскага», Сяргею Календу дапамог арганізаваць пісьменьнік Макс Шчур, які ўжо больш за 20 гадоў жыве ў Чэхіі, дзе атрымаў палітычны прытулак.

Чытаньні Сяргея Календы ў Чэхіі, паводле адмысловай чэскай праграмы падтрымкі беларускай літаратуры, зладзілі супольна Мараўская бібліятэка, выдавецтва «Větrné mlýny» і Амбасада незалежнай беларускай культуры ў Брне. Акрамя Брна, Сяргей Календа чытаў урыўкі сваіх двух твораў — «Часам панкі паміраюць» (Логвінаў, 2019) і «Падарожжа на край ложка» (Логвінаў, 2016) — у трох іншых гарадах: Апаве, Астраве і Оламаўцы. Пераклады на чэскую мову зрабіў Сяргей Сматрычэнка.

Сяргей Календа сказаў Свабодзе, што акрамя чыста культурных і літаратурных тэмаў, чэхаў на сустрэчах моцна цікавіла палітычна-грамадзкая сытуацыя ў Беларусі.

«Чэхі разьбіраюцца ў абставінах таго, што адбываецца ў Беларусі. Асабліва часта я чуў ад іх словы, што, маўляў, мы праз гэта ўсё ўжо калісьці прайшлі, цяпер праходзіце вы», — адзначыў пісьменьнік.

Прапануем нашым чытачам/слухачам/гледачам відэа, на якім Сяргей Календа чытае два ўрыўкі са сваёй кнігі «Панкі таксама паміраюць», і некалькі фота з сустрэчы пісьменьніка зь беларусамі Прагі на «Пікніку з Календам і яго кнігамі».

У матэрыяле выкарыстаныя фота Катэржыны Когаўтавай (Kateřina Kohoutová).

Макс Шчур
Макс Шчур
Сяргей Календа, Ян Максімюк
Сяргей Календа, Ян Максімюк

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG