«Наша ніва» няўдала абскардзіла рашэньне судзьдзі Эканамічнага суду Эрнэста Койры. Ён палічыў, што старыя прынтар і ноўтбук, якія выкарыстоўваліся пры падрыхтоўцы газэты, зьяўляюцца «прадметамі адміністрацыйнага правапарушэньня», а іх агульны кошт перавышае 1160 рублёў (40 базавых велічыняў).
Гэта мінімальная сума, патрэбная для таго, каб пакараць за «незаконную прадпрымальніцкую дзейнасьць».
Атэставаны спэцыяліст склаў заключэньне з ацэнкай тэхнікі. Аказалася, што насамрэч прынтар, якому ўжо 21 год, каштуе 173 рублі, а 8-гадовы ноўтбук — 229 рублёў. Гэта азначае, што сапраўдная іх вартасьць у некалькі разоў ніжэйшая за тую, якую пазначыў Эканамічны суд.
Аднак судзьдзя Вярхоўнага суду Алена Кастрама вырашыла іначай, пакінуўшы папярэдняе рашэньне бязь зьменаў.
