Лінкі ўнівэрсальнага доступу

Украінцам, якія афіцыйна ваявалі на ўсходзе Ўкраіны, забараняюць уезд у Беларусь?


Пераход «Новая Гута» на беларуска-ўкраінскай мяжы

Беларусь магла забараніць уезд на сваю тэрыторыю грамадзянам Украіны, якія служылі ва Ўзброеных сілах Украіны і ваявалі на ўсходзе краіны.

Гэткую выснову можна зрабіць з выраку, ухваленага адным з судоў Валынскай вобласьці ў дачыненьні да грамадзяніна Ўкраіны — ён спрабаваў незаконна пераправіць у Беларусь украінца, якому адмовілі ва ўезьдзе на беларускую тэрыторыю.

У судовым рашэньні ўказваецца, што ўкраінец, былы вайсковец, шукаў спосаб заехаць у Беларусь па-за пунктам пропуску, бо беларускія памежнікі папярэдзілі яго пра тое, што «ён нясе пагрозу нацыянальнай бясьпецы Рэспублікі Беларусь у сувязі з праходжаньнем вайсковай службы ва Ўзброеных сілах Украіны, у прыватнасьці ў зоне правядзеньня апэрацыі аб’яднаных сіл на ўсходзе Ўкраіны». (У адзіны рэестр дасудовых расьследаваньняў ва Ўкраіне гэтая справа была ўключана 6 лістапада 2019 году пад нумарам 2019030000000793).

Свабода спрабавала атрымаць пацьверджаньне гэтай інфармацыі ад Памежнага камітэту Беларусі. Нумары прэсавай службы Памежнага камітэту не адказваюць.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG