Лінкі ўнівэрсальнага доступу

Суды і выракі 31 траўня: 2 гады «хатняй хіміі» за «абразу» Лукашэнкі


Суд у Горадні. Ілюстрацыйнае фота.
Суд у Горадні. Ілюстрацыйнае фота.

У Беларусі працягваецца палітычны перасьлед нязгодных з гвалтам рэжыму Лукашэнкі. Свабода працягвае сачыць за судовымі працэсамі ў крымінальных і адміністрацыйных справах. Артыкул абнаўляецца.

Суд у Жабінцы на Берасьцейшчыне за абразу Лукашэнкі мясцовага жыхара пакараў двума гадамі «хатняй хіміі», паведамляе Праваабарончы цэнтар «Вясна».

У судзе Жабінкаўскага раёна за абразу Лукашэнкі да двух гадоў «хатняй хіміі» асудзілі 50-гадова Аляксандра Яраша. Крымінальную справу па ч. 1 арт. 368 Крымінальнага кодэкса супраць мясцовага жыхара завялі за паведамленьне ў Telegram-канале.

Згодна з матэрыяламі справы, 17 сьнежня 2020 году Яраш са свайго мабільнага тэлефона «разьмясьціў у адным з Telegram-каналаў паведамленьне абразьлівага характару». У ім утрымлівалася нэгатыўная ацэнка Лукашэнкі. Да суду Яраш быў пад падпіскай аб нявыезьдзе і належных паводзінах.


2 гады за «узурпатара»

За слова «узурпатар» у адрас Лукашэнкі асудзілі на 2 гады «хатняй хіміі» таксама жыхара Баранавічаў, паведаміла «Вясна».

47-гадовага Вячаслава Кульбу абвінавацілі ў «публічнай абразе прэзыдэнта» — нібыта ён у кнізе заўваг і прапаноў аўтазапраўкі напісаў: «Скаргаў няма. Не разумею калектыў вашай АЗС, які падтрымлівае рэжым узурпатара Лукашэнкі».

Мужчына сказаў, што напісаў тэкст, бо адчуў пах няякаснага бэнзіну.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG