Апэрацыя Ізраілю супраць ХАМАС стала першай у сьвеце вайной з выкарыстаньнем штучнага інтэлекту

31 травень 2021, 14:23

Армія абароны Ізраілю выкарыстала штучны інтэлект і супэркампутэры падчас апошняга канфлікту з ХАМАС у сэктары Газы.

Пра гэта піша газэта The Jerusalem Post.

Ізраільскія вайскоўцы, піша газэта, самі называюць апэрацыю «Вартавы сьцен» першай вайной з дапамогай штучнага інтэлекту.

«Упершыню штучны інтэлект стаў ключавым кампанэнтам і сродкам павелічэньня сілы ў барацьбе з супернікам», — сказаў выданьню старшы афіцэр Корпусу выведкі ўзброеных сілаў Ізраілю (Ангельская абрэвіятура IDF, яшчэ іх называюць ЦАХАЛ. — РС). — Гэта першая ў сваім родзе кампанія для IDF. Мы ўкаранілі новыя мэтады працы і выкарыстоўвалі тэхналягічныя распрацоўкі, што павялічылі сілу ўсяго ЦАХАЛу».

За 11 дзён баёў у сэктары Газа ізраільскія вайскоўцы нанесьлі інтэнсіўныя ўдары па аб’ектах ХАМАС і палестынскага ісламскага джыхаду. ЦАХАЛ заявіў, што ён нацэліўся на ключавую інфраструктуру і пэрсанал.

Палестынцы выйшлі на вуліцы Газы пасьля таго, як уначы 21 траўня уступіла ў сілу замірэньне паміж ХАМАСам і Ізраілем

ГЛЯДЗІЦЕ ТАКСАМА:

Спыненьне агню паміж Ізраілем і ХАМАС уступіла ў сілу

За некалькі гадоў да пачатку баявых дзеяньняў ЦАХАЛ стварыў перадавую тэхналягічную плятформу штучнага інтэлекту, якая цэнтралізавала ўсе дадзеныя аб тэрарыстычных групах ў сэктары Газа ў адной сыстэме. Гэта дазволіла аналізаваць і здабываць выведныя дадзеныя.

Салдаты атраду 8200, элітнага падразьдзяленьня корпусу выведкі, упершыню распрацавалі альгарытмы і код, якія прывялі да стварэньня некалькіх новых праграм пад назвай «Алхімік», «Эвангельле» і «Глыбіня мудрасьці». Гэтыя праграмы выкарыстоўваліся падчас баявых дзеяньняў.

Ізраільска-палестынскі канфлікт у фота

1/21 У Газе пажары пасьля абстрэлу ізраільскай авіяцыяй раніцай 17 траўня 2021

2/21 Гарыць будынак у Газе, у які пацэлілі ваенна-паветраныя сілы Ізраілю 17 траўня 2021 году

3/21 Палестынскія ратавальнікі шукаюць людзей сярод абломкаў разбураных дамоў пасьля авіяўдараў 16 траўня 2021 году

4/21 16 траўня авіяўдары Ізраілю разбурылі дом лідэра «Хамас» у сэктары Газа, а таксама два іншыя будынкі. Паведамляецца, што загінулі як мінімум 42 чалавекі. Ізраіль паведмляе, што мэтаскіравана зьнішчае баевікоў, «Хамас» заяўляе пра ахвяры сярод цывільнага насельніцтва.

5/21 Ратавальнікі дастаюць ахвяру з-пад завалаў пасьля авіяўдараў Ізраілю па горадзе Газа 16 траўня 2021 году.

6/21 Велізарны пажар на фабрыцы матрацаў Foamco, разьмешчанай на ўсход ад Джабаліі, пасьля таго, як ізраільскія ВПС абстралялі паўночную частку сэктару Газа 17 траўня 2021 году.

7/21 Ракета, выпушчаная з сэктару Газа, ляціць у напрамку Ізраілю над горадам Газа, 17 траўня 2021.

8/21 Ізраільцы ў горадзе Ашкелон на поўдні Ізраілю спрабуюць схавацца, пачуўшы сырэну, якая сыгналізуе аб набліжэньні ракет, выпушчаных з сэктару Газа. 16 траўня 2021.

Так выглядае ў небе перахоп ізраільскай супрацьракетнай сыстэмай «Жалезны купал» ракет, выпушчаных з сэктару Газа.<br /> — 9/21 Так выглядае ў небе перахоп ізраільскай супрацьракетнай сыстэмай «Жалезны купал» ракет, выпушчаных з сэктару Газа.

10/21 Сілы бясьпекі Ізраілю і цывільныя жыхары аглядаюць пашкоджаныя аўтамабілі на месцы падзеньня ракеты, выпушчанай з сэктару Газа. Ашкелон, поўдзень Ізраілю, 16 траўня 2021.

11/21 Палестынцы аглядаюць дом, разбураны ў выніку авіяўдару Ізраілю ў горадзе Рафах на поўдні Сэктару Газа. 16 траўня 2021.

12/21 Сваякі аплакваюць палестынца падчас яго пахаваньня ў вёсцы Сэйда. Ён быў забіты ў выніку здушэньня сіламі правапарадку Ізраілю забурэньняў 14 траўня на Заходнім беразе Ярдану. Тады загінулі чацьвёра палестынцаў. Усяго ў выніку сутыкненьняў на акупаваных тэрыторыях пацярпелі больш за 100 чалавек. 16 траўня 2021.

13/21 Ізраільскі авіяўдар па вежы Аль-Джалал, у якой разьмяшчаліся дамы і офісы некалькіх СМІ, у тым ліку Асашыэйтэд Прэс і Аль-Джазіра. Газа, 15 траўня 2021.

14/21 Прэзыдэнт Расейскага яўрэйскага кангрэсу Юрый Канер (справа), галоўны рабін Расеі Берл Лазар (трэці справа) і пасол Ізраілю ў Расеі Аляксандр Бэн Цві (другі справа) ушанавалі памяць забітых у Ізраілі падчас «Акцыя салідарнасьці з Ізраілем супраць тэрору» ў мэмарыяльнай сынагозе на Паклоннай гары ў Маскве, Расея, 16 траўня 2021.

Прапалестынскія дэманстранты трымаюць палестынскія сьцягі падчас акцыі пратэсту ў Лёндане, Вялікабрытанія, пасьля пачатку ізраільска-палестынскага канфлікту. 15 траўня 2021. — 15/21 Прапалестынскія дэманстранты трымаюць палестынскія сьцягі падчас акцыі пратэсту ў Лёндане, Вялікабрытанія, пасьля пачатку ізраільска-палестынскага канфлікту. 15 траўня 2021.

16/21 Жанчына трымае палестынскі сьцяг на мітынгу ў Парыжы, арганізаваным некалькімі асацыяцыямі ў падтрымку палестынскага народу. Падчас акцыі адбыліся сутыкненьні пратэстоўцаў з паліцыяй. Францыя, 15 траўня 2021.

17/21 Мітынг салідарнасьці з Ізраілем перад пасольствам Расейскай Фэдэрацыі ў Кіеве, 16 траўня 2021.

18/21 Палестынцы і іх прыхільнікі пратэстуюць супраць дзеяньняў дзяржавы Ізраіль у Бухарэсьце, заклікаючы: «Уратуйце Газу». Румынія, 15 траўня 2021.

19/21 Мітынг у падтрымку Ізраілю ў Бухарэсьце, 16 траўня 2021.

20/21 Падчас шэсьця ў Прышціне косаўскія альбанцы выкрыкваюць лёзунгі і трымаюць транспаранты ў падтрымку палестынцаў.

21/21 Пратэст у Ісламабадзе супраць дзеяньняў Ізраілю ў палестынскім сэктары Газа. Пакістан, 16 траўня 2021.

Зьбіраючы дадзеныя з выкарыстаньнем сыгнальнага інтэлекту (SIGINT), візуальнага інтэлекту (VISINT), чалавечага інтэлекту (HUMINT), геаграфічнага інтэлекту (GEOINT) і іншых, ЦАХАЛ назапасіў шмат дадзеных, якія трэба было прааналізаваць, каб знайсьці ключавыя элемэнты, неабходныя для выкананьня.

...Вайскоўцы лічаць, што выкарыстаньне штучнага інтэлекту дапамагло скараціць працягласьць баявых дзеяньняў, паколькі яно эфэктыўнае і хутка зьбірае цэлі з дапамогай звышпазнаньня.

Армія абароны Ізраілю нанесла сотні удараў па ХАМАС і руху «Ісламскі джыгад», уключаючы ракетныя ўстаноўкі, месцы вытворчасьці і захоўваньня ракет, офісы вайсковай выведкі, бесьпілётныя лятальныя апараты, рэзыдэнцыі камандзіраў і атрад вайскова-марскіх сіл ХАМАС. Ізраіль зьнішчыў вялікую частку інфраструктуры і ўзбраеньня падразьдзяленьняў марскіх камандас, у тым ліку некалькі аўтаномных падводных лодак з GPS-навядзеньнем, якія могуць несьці да 30 кг выбуховых рэчываў.

Палестынцы ў горадзе Газа шукаюць ацалелых у руінах, 16 траўня 2021

ГЛЯДЗІЦЕ ТАКСАМА:

Ізраіль бамбіць сілы ХАМАС. ЗША і Расея заклікаюць спыніць гвалт, МЗС Беларусі «ня мае права павучаць»

Спадарожнікі IDF Unit 9900 у рамках геаграфічнага інтэлекту GEOINT зьбіралі дадзеныя на працягу многіх гадоў. Яны змаглі аўтаматычна выяўляць зьмены на мясцовасьці ў рэжыме рэальнага часу, так што падчас апэрацыі вайскоўцы маглі выяўляць стартавыя пазыцыі і паражаць іх пасьля стральбы.

Напрыклад, вайскоўцы атраду 9900 з дапамогай спадарожнікавых здымкаў змаглі выявіць 14 ракетных установак, разьмешчаных побач са школай.

...ЦАХАЛ таксама выкарыстоўваў сыстэму пад назвай «Алхімік», якая была распрацавана падразьдзяленьнем 8200 і выкарыстала штучны інтэлект і машыннае навучаньне для папярэджаньня войскаў у палявых умовах аб магчымых нападах з боку ХАМАС. Дынамічная і абнаўляльная сыстэма выкарыстоўвалася кожным камандзірам палявога падразьдзяленьня пры дапамозе зручнага ў карыстаньні пляншэту.

ГЛЯДЗІЦЕ ТАКСАМА:

Апэрацыя Ізраілю супраць ХАМАС стала першай у сьвеце вайной з выкарыстаньнем штучнага інтэлекту

Спыненьне агню паміж Ізраілем і ХАМАС уступіла ў сілу

Ізраільска-палестынскі канфлікт у фота

Ізраіль бамбіць сілы ХАМАС. ЗША і Расея заклікаюць спыніць гвалт, МЗС Беларусі «ня мае права павучаць»

Адкуль у сэктары Газа расейская зброя і чаму там такія страты. Расказваюць экспэрты

Тэмы гэтага артыкулу

Лінкі ўнівэрсальнага доступу

Сачыце за абнаўленьнямі

Апэрацыя Ізраілю супраць ХАМАС стала першай у сьвеце вайной з выкарыстаньнем штучнага інтэлекту

Спыненьне агню паміж Ізраілем і ХАМАС уступіла ў сілу

Ізраільска-палестынскі канфлікт у фота

Ізраіль бамбіць сілы ХАМАС. ЗША і Расея заклікаюць спыніць гвалт, МЗС Беларусі «ня мае права павучаць»

Адкуль у сэктары Газа расейская зброя і чаму там такія страты. Расказваюць экспэрты

Тэмы гэтага артыкулу