Паводле інфармацыі праваабаронцаў, у пратаколе было ўказана, што Нямкевіч прыняла ўдзел у пікетаваньні ў раёне Асмалоўка, трымаючы ў руках плякат. Сама жанчына сьцьвярджае, што ў момант затрыманьня гаварыла па тэлефоне, а намаляваны ёю плякат ляжаў у пакеце. На яе думку, паколькі пакет прасьвечваўся, міліцыянты маглі ўбачыць яркія літары на плякаце. Сьведка-міліцыянт заявіў, што тры чалавекі стаялі з плякатам «TUT Осмоловка».
Паводле яго выразу, сайт Tut.by «носіць прамы палітычны характар».
18 траўня дэпартамэнт фінансавых расьсьледаваньняў Камітэту дзяржкантролю правёў ператрусы ў рэдакцыі Tut.by, яе рэгіянальных офісах і дома ў супрацоўнікаў парталу. Было заяўлена, што ў дачыненьні да службовых асобаў ТАА «ТУТ БАЙ МЕДЫА» распачата справа па ч. 2 арт. 243 Крымінальнага кодэксу (ухіленьне ад выплаты падаткаў). Затрымалі 15 чалавек.
Практычна адначасова, на падставе звароту Генэральнай пракуратуры, Міністэрства інфармацыі заблякавала доступ да сайта tut.by і яго люстэркаў.
