Лінкі ўнівэрсальнага доступу

У Шклове ў калёніі «палітычным» нашываюць жоўтыя біркі


У калёніі ў Шклове «палітычным» нашываюць жоўтыя біркі, паведаміла журналістка Вольга Быкоўская

Журналістка спасылаецца на ліст ад палітвязьня, горадзенскага каардынатара Руху «За Свабоду» Вітольда Ашурка, які трапіў у калёнію.

«Палітычных тут хапае. Так што сумаваць нагоды няма. Тым больш, што адміністрацыя выдала загад мець жоўты колер бірак на адзеньні, і таму палітычных можна адрозьніць здалёк», — піша Вітольд.

Свабода неаднаразова паведамляла, што асуджаных ці падсьледных па палітычных справах у месцах зьняволеньня адмыслова пазначаюць.

У турмах і лягерах нацысцкай Нямеччыне існавалі адмысловыя пазнакі для вязьняў пэўных катэгорыяў: жоўты шасьцікутнік — для габрэяў, ружовы трохкутнік — для геяў, чырвоны трохкутнік — для камуністаў і сацыял-дэмакратаў, карычневы ці чорны трохкутнік — для цыганоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG