Лінкі ўнівэрсальнага доступу

За тры гадзіны для Мікіты Залатарова і ягонай сям’і сабралі 4000€


Дзьмітры Карнееў (зьлева) і Мікіта Залатароў
Дзьмітры Карнееў (зьлева) і Мікіта Залатароў

Пасьля звароту бацькі зьняволенага Мікіты Залатарова за некалькі гадзінаў сабралі ўсю патрэбную суму.

Па дапамогу (каб аплаціць паслугі адвакатаў і на перадачы) зьвярнуўся бацька Мікіты, які напісаў на сайце BYSOL:

«Мікіта Залатароў, мой 16-гадовы сын, быў выкрадзены і пабіты бандытамі ў чорнай форме за тое, што ён быў на мірнай акцыі пратэсту г. Гомлі. Прадстаўнікі нелегітымнай улады прысудзілі яму 5 гадоў турмы. Мікіта быў пабіты і з аддзелу міліцыі дастаўлены ў дзіцячую лякарню, у аддзяленьне рэанімацыі, дзе прабыў каля 24 гадзін. Пасьля чаго зьмешчаны ў Гомельскі ІЧУ, дзе яго сыстэматычна білі, безь сьлядоў пабіцьця. Білі ў тым ліку па патыліцы, там сінякоў не відаць. Цытую словы Мікіты, сказаныя са сьлязамі на вачах: „Тата, калі мяне біць перастануць?“

Цяпер Мікіта ў СІЗА, а за невыкананьне ўказаньняў ахоўнікаў СІЗА на яго завялі яшчэ адну крымінальную справу, паводле арт. 364. Гэта азначае яшчэ некалькі месяцаў у СІЗА і яшчэ адзін тэрмін. Адвакат даказаў невінаватасьць Мікіты, але суд прыняў рашэньне. Мой сын утрымліваецца ў адзіночнай камэры.

Улада лічыць яго небясьпечным экстрэмістам. А я лічу што мой сын — ваяр. І пакутуе за нас усіх. Мікіта — годны грамадзянін Новай Беларусі.

Нягледзячы на зьдзекі, Мікіта не выконвае загадаў наглядчыкаў, таму што ведае, што ён не злачынца».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG