Лінкі ўнівэрсальнага доступу

«Рэжым Лукашэнкі крадзе грошы ў беларусаў»,— Цапкала абвінаваціў улады ў вывадзе бюджэтных сродкаў у афшоры. ВІДЭА


Валер Цапкала ў студыі Свабоды. Кіеў, ліпень 2020 году.

«Зь Беларусі апошнім часам пачаўся інтэнсіўны вывад грошай, рэжым адчувае набліжэньне свайго канца»,— мяркуе Валер Цапкала.

На сваім акаўнце ў YouTube апазыцыйны палітык Валер Цапкала, які летась спрабаваў узяць удзел у выбарах прэзыдэнта, але вымушыны быў эміграваць зь Беларусі, апублікаваў сваё расьсьледаваньне аб прычынах эканамічных праблем краіны, у прыватнасьці ён згадвае «Беларуськалій», прадпрыемствы, якія, паводле ягоных слоў цяпер даводзяцца да банкруцтва, а найбольш падрабязна ён спыніўся на дзейнасьці дата-цэнтра beCloud.

У beCloud абавязаныя захоўваць зьвесткі ўсе дзяржаўныя структуры Беларусі і ўсе прадпрыемствы, у якіх доля дзяржавы больш за 50%. За гэта яны плацяць дата-цэнтру. Кіруе ім Апэратыўна-аналітычны цэнтар пры Лукашэнку.

Адзін з уладальнікаў beCloud — кіпрскі афшор Sabsicca Holdings, які ў сваю чаргу належыць іншым афшорам — ён павінен быў праінвэставаць у сумеснае прадпрыемства 20 мільёнаў даляраў. Але замест інвэстыцый, распавядае Цапкала, beCloud узяў пазыку ў памеры 470 тысяч даляраў.

За 2016-2018 гады, паводле зьвестак Цапкалы, кампанія не толькі вярнула пазыку свайму саўладальніку, але яшчэ выплаціла дывідэнды больш за 11 млн даляраў, гэта значыць таму ж кіпрскаму афшору.

Паводле яго слоў, нэгатыўныя паказчыкі ключавых дзяржпрадпрыемстваў Беларусі выкліканыя не каньюнктурай, а маштабным вывадам капіталаў, які паскорыўся ў апошнія месяцы.

«Зь Беларусі апошнім часам пачаўся інтэнсіўны вывад грошай, рэжым адчувае набліжэньне свайго канца. Рэжым Лукашэнкі крадзе грошы беларусаў»,— такую выснову робіць Валер Цапкала.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG