Лінкі ўнівэрсальнага доступу

Траіх асуджаных за абразу Лукашэнкі праваабаронцы прызналі палітвязьнямі


За кратамі на пярэднім пляне Вольга Клімкова.
За кратамі на пярэднім пляне Вольга Клімкова.

На падставе інфармацыі пра асобаў, пазбаўленых волі за абразу Лукашэнкі, прадстаўнікоў улады, супрацоўнікаў міліцыі, судзьдзяў і зьнявагу дзяржаўных сымбаляў, праваабаронцы прызналі палітвязьнямі траіх жыхароў Магілёва.

  • Сяргей Скок — асуджаны судом Круглянскага раёну Магілёўскай вобласьці на 3 гады пазбаўленьня волі па ч.2 арт. 339 (хуліганства) і арт. 368 КК (абраза прэзыдэнта)
  • Вольга Клімкова — асуджана судом Круглянскага раёну Магілёўскай вобласьці на 3,5 года пазбаўленьня волі па ч.2 арт. 339 (хуліганства) і арт. 368 КК (абраза прэзыдэнта)
  • Максім Сяргеенка — асуджаны судом Круглянскага раёну Магілёўскай вобласьці на 3,5 года пазбаўленьня волі па ч.2 арт. 339 (хуліганства) і арт. 368 КК (абраза прэзыдэнта).

Такім чынам, колькасьць палітычных зьняволеных у Беларусі цяпер складае 362 чалавекі.

У супольнай заяве праваабаронцы называюць перасьлед Сяргея Скока, Вольгі Клімковай, Максіма Сяргеенкі палітычна матываваным, зьвязаным зь мірным выказваньнем думкі, а іх саміх — палітычнымі зьняволенымі.

Праваабаронцы патрабуюць вызваліць усіх палітвязьняў, спыніць крымінальны перасьлед у дачыненьні да іх і адмяніць артыкулы Крымінальнага кодэксу, якія прадугледжваюць адказнасьць за абразу дзяржавы, дзяржаўных сымбаляў і службовых асобаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG