Лінкі ўнівэрсальнага доступу

Газэта «Новы час» падпісала на сябе 374 палітычных вязьняў


Галоўная рэдактарка газзэты «Новы час» Аксана Колб са сваім выданьнем. Архіўнае фота.

Рэдакцыя незалежнага выданьня просіць падтрымаць «Новы час» і аформіць падпіску для сябе ці суседзяў, якія ня маюць інтэрнэту, а таксама палітычных вязьняў.

«Цяпер „Новы час“ распаўсюджваецца толькі праз падпіску: ад 1 лютага газэта не прадаецца ў кіёсках „Белсаюздруку“. Рэдакцыя заклікае чытачоў аформіць падпіску і такім чынам падтрымаць газэту, — гаворыцца на сайце «Новага часу».

Рэдакцыя піша, што на сёньня 374 палітычныя вязьні — ужо асуджаныя ці тыя, хто чакае судовых працэсаў, — падпісаныя на іх выданьне.

«Адной з формаў падтрымкі палітычных вязьняў — падпіска іх на незалежныя выданьні, і не апошнюю ролю тут адыгрывае „Новы час“. Гэта адзіная беларускамоўная штотыднёвая незалежная грамадзка-палітычная газэта, якая пакуль што трапляе за краты. Падпісваць вязьняў трэба на адрас іх зьняволеньня, пажадана тэрмінам на 1 месяц — такім чынам мы не наводзім іх на думку пра тое, што сядзець давядзецца яшчэ доўга», — адзначаюць у рэдакцыі.

Падпіска на газэту «Новы час»:

  • 1 месяц — 4 рублі 14 капеек
  • 1 квартал — 12 рублёў 42 капейкі
  • паўгодзьдзе — 24 рублі 84 капейкі.

Пакрокавая інструкцыя падпіскі — ТУТ.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG