Лінкі ўнівэрсальнага доступу

Памёр кіраўнік ансамбля беларускай песьні «Церніца» Іосіф Несьцяровіч. У яго быў каранавірус


Уладзімер Несьцяровіч. Фота: vk.com / ternitsa

У сераду, 28 красавіка, на 80-м годзе жыцьця памёр кіраўнік заслужанага калектыву Рэспублікі Беларусь ансамбля «Церніца» Іосіф Несьцяровіч. У яго быў каранавірус, расказалі Tut.by ягоныя блізкія.

Родныя Язэпа Аляксандравіча кажуць, што ў мужа і жонкі Несьцяровічаў дыягнаставалі каранавірус. Іосіф Несьцяровіч правёў у шпіталі каля двух тыдняў і памёр у сераду, яму было 79 гадоў. У даведцы аб сьмерці — лёгачна-сардэчная недастатковасьць і двухбаковая пнэўманія.

Свой творчы шлях Іосіф Несьцяровіч пачынаў у ансамблі «Харошкі»: як кажуць сваякі, «разам з Валянцінай Гаявой фактычна ствараў калектыў». Потым працаваў у Нацыянальным акадэмічным народным хоры імя Цітовіча, а пасьля гэтага стаў кіраваць «Церніцай». Разам з жонкай ён аддаў ансамблю беларускай песьні «Церніца» больш за 30 гадоў. У 2002 годзе ансамбль стаў першым, якому прысвоілі званьне «Заслужаны аматарскі калектыў Рэспублікі Беларусь», ён актыўна гастраляваў па Беларусі і за мяжой, быў уганараваны рознымі прэміямі.

Разьвітаньне зь Язэпам Несьцяровічам пройдзе 1 траўня з 11.00 да 13.00 у рытуальнай залі па адрасе: вул. Альшэўскага, 12.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG