Лінкі ўнівэрсальнага доступу

Турэччына заявіла пратэст паслу ЗША ў сувязі з заявай Байдэна аб генацыдзе армян


Прэзыдэнт Турэччыны Эрджэм Эрдаган

Анкара заявіла, што ЗША нанесьлі «рану ў адносінах, якую будзе цяжка загаіць»

Як паведамляе «Голас Амэрыкі», МЗС Турэччыны выклікала амбасадара ЗША ў Анкары, каб асудзіць заяву прэзыдэнта Джо Байдэна аб прызнаньні генацыдам масавага забойства армян у Асманскай імпэрыі ў гады Першай сусьветнай вайны.

МЗС Турэччыны паведаміў, што намесьнік міністра Сэдат Анал заявіў амбасадару Дэвіду Сатэрфілду вечарам у суботу, што заява Байдэна ня мае прававой асновы і што Анкара «адхіляе яе, лічыць яе непрымальнай і асуджае самым рашучым чынам».

Афіцыйная Анкара заявіла, што ЗША, саюзьнік па NATO, нанесьлі Турэччыне «рану ў адносінах, якую будзе цяжка загаіць».

Раней у суботу Байдэн стаў першым прэзыдэнтам ЗША, які зрабіў заяву аб генацыдзе ў сувязі з гібельлю прыкладна паўтара мільёна армянаў у Асманскай імпэрыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG