Лінкі ўнівэрсальнага доступу

Новая ўспышка каранавірусу ў Індыі. За дзень выявілі амаль 350 тысяч новых выпадкаў


Пацыент у індыйскім шпіталі, 23 красавіка

У Індыі з 20 красавіка больш за мільён чалавек заразіліся каранавірусам. 24 красавіка ў краіне выявілі амаль 350 тысяч выпадкаў COVID-19. У пятніцу і суботу паміралі больш за дзьве з паловай тысячы чалавек штодня.

СМІ пішуць, што індыйскія шпіталі не даюць рады наплыву пацыентаў. Хворыя гадзінамі чакаюць прыёму лекара ў чарзе. Некаторыя паміраюць, не дачакаўшыся дапамогі. Пацыентаў выпісваюць недалечанымі, каб вызваліць месцы для цяжкіх хворых. Лекары паведамляюць пра недахоп кіслароду ў шпіталях.

Каранавірус выявілі і ў раёне Эвэрэсту — у аднаго з эўрапейскіх альпіністаў і мясцовага правадніка. Альпінісцкі сэзон, які нядаўна адкрылі пасьля гадавога перапынку, зноў можа аказацца пад пагрозай.

Ад пачатку пандэміі ў Індыі зафіксавалі амаль 17 мільёнаў выпадкаў заражэньня COVID-19. Памерлі больш за 192 тысячы пацыентаў. Па колькасьці інфікаваных краіна знаходзіцца на другім месцы ў сьвеце пасьля ЗША. Але колькасьць новых выпадкаў за мінулы дзень у Злучаных Штатах меншая, чым у Індыі, амаль у сем разоў.

У Беларусі афіцыйна паведамілі пра 10 сьмярцей і 1276 новых выпадкаў COVID-19 за содні.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG