Гэты дзень у гісторыі
1204 — захоп і рабаваньне Канстантынопалю ўдзельнікамі Чацьвёртага Крыжовага паходу.
1943 — паведамленьне бэрлінскага радыё аб знойдзеных у Катынскім лесе масавых пахаваньнях польскіх афіцэраў. Паведамлялася, што катынскі расстрэл быў зроблены НКВД увесну 1940 году.
1962 — першы выступ The Beatles у «Star Club».
1991 — утвораныя Менска-Магілёўская архідыяцэзія і Горадзенская дыяцэзія.
1992 — ініцыятыўная група перадала ў Цэнтральную выбарчую камісію 446 061 подпіс за рэфэрэндум аб датэрміновых выбарах Вярхоўнага Савету Беларусі. Але кіраўніцтва Вярхоўнага Савету адмовілася ўрэшце праводзіць рэфэрэндум.
У гэты дзень нарадзіліся
1743 — Томас Джэфэрсан, трэці прэзыдэнт ЗША.
1871 — Юры Матулевіч, рымска-каталіцкі рэлігійны дзеяч Заходняй Беларусі і Літвы, блаславёны.
1906 — Сэмюэль Бэкет, ірляндзкі драматург, празаік і паэт, прадстаўнік тэатру абсурду, ляўрэат Нобэлеўскай прэміі па літаратуры.
1963 — Гары Каспараў, савецкі і расейскі шахматыст і палітык, 13-ы чэмпіён сьвету па шахматах.
У памяці
1695 — Жан дэ Ляфантэн, францускі паэт-баечнік.
2015 — Гюнтэр Грас, нямецкі пісьменьнік, ляўрэат Нобэлеўскай прэміі па літаратуры.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў