Падзеі 8 красавіка ў беларускай і сусьветнай гісторыі.
Дзень у гісторыі
1525 — па дамове, падпісанай у Кракаве, Тэўтонскі ордэн быў сэкулярызаваны і ператвараўся ў Прускае герцагства, якое прызнала васальную залежнасьць ад Рэчы Паспалітай.
1783 — Кацярына II выдала маніфэст аб далучэньні Крыму да Расеі.
1904 — Вялікая Брытанія і Францыя падпісалі пагадненьне аб Эгіпце, Марока і іншых каляніяльных уладаньнях, якое атрымала неафіцыйную назву «Сардэчная згода» (Антанта).
1924 — стварылі Беларускую вайсковую акругу (існавала да 1992 г.).
1956 — у Менску адкрыўся Беларускі дзяржаўны тэатар юнага гледача.
1986 — кіраўнік СССР Міхаіл Гарбачоў у часе свайго візыту ў Тальяці ўпершыню ўжыў слова «перабудова».
2010 — ЗША і Расея падпісалі ў Празе дамову аб скарачэньні наземных ядзерных узбраеньняў.
У гэты дзень нарадзіліся
563 да н.э. — Сідгартха Гаўтама, пасьля пераўвасабленьня — Буда
1938 — Кофі Анан, генэральны сакратар ААН (1997–2006), ляўрэат Нобэлеўскай прэміі міру 2001 году.
У гэты дзень памерлі
1835 — Вільгельм фон Гумбальт, нямецкі філёзаф і грамадзкі дзеяч.
1909 — Гэлена Маджэеўская, польская акторка
1922 — Эрык фон Фалькенгайн, нямецкі генэрал, вайсковы міністар Нямеччыны, начальнік генэральнага штабу Нямеччыны падчас Першай сусьветнай вайны.
1936 — Канстанцін Пілінкевіч, беларускі праваслаўны сьвятар, протаярэй
1959 — Леан Уладзіслаў Радзівіл, вайсковец, мэцэнат, апошні ардынат нясьвіскі.
1973 — Пабла Пікаса, гішпанскі мастак і скульптар.
1984 — Пётар Капіца, савецкі фізык, ляўрэат Нобэлеўскай прэміі 1978 году.
2013 — Маргарэт Тэтчэр, прэм’ер-міністар Вялікай Брытаніі ў 1979–1990 гадах.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў