Як паведамляе Праваабарончы цэнтар «Вясна», у Фрунзэнскім РУУС Менска на мужчыну склалі пратакол паводле ч.3 арт. 24.23 КаАП за «пікетаваньне шляхам разьмяшчэньня на антэне аўтамабіля бел-чырвона-белай стужкі».
На судзе Дзяніс Букаткін растлумачыў, што гэты аўтамабіль ён даўно узяў у арэнду для працы. Стужку з антэны не здымаў, таму што яна яму не замінала.
Аднак судзьдзя Марыя Ярохіна палічыла, што для бацькі траіх дзяцей правільным пакараньнем будзе арышт на 30 сутак.
Як адзначаюць у гэтым зьвязку праваабаронцы, закону, які забараняе вешаць на аўтамабіль стужкі «забароненых колераў», няма.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў