Лінкі ўнівэрсальнага доступу

Швайцарыя пашырыла санкцыі супраць беларускага рэжыму. Трапіў пад іх і вядомы алігарх


Акцыя салідарнасьці зь Беларусьсю ў Бэрне, кастрычнік 2020

Швайцарыя дадала ў санкцыйны сьпіс супраць рэжыму Аляксандра Лукашэнкі 29 асобаў і 7 кампаній.

Пра гэта ў сваім тэлеграм-канале паведаміў Франак Вячорка, дарадца Сьвятланы Ціханоўскай, дадаючы, што ў пашыраны сьпіс трапіў бізнэсовец Мікалай Варабей.

Франак Вячорка таксама адзначыў, што рашэньне аб пашырэньні санкцый было ўведзенае ў жыцьцё пасьля візыту Сьвятланы Ціханоўскай у Бэрн раней у гэтым месяцы.

Швайцарыя абвясьціла 11 сьнежня, што далучаецца да санкцыяў Эўразьвязу, якія тады прадугледжвалі забарону на ўезд для Аляксандра Лукашэнкі і яшчэ 14 чалавек зь Беларусі, а таксама замарожваньне іх фінансавых актываў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG