Лінкі ўнівэрсальнага доступу

Рада бясьпекі Ізраілю ўключыла Чачэнію ў сьпіс рэгіёнаў з найвышэйшай пагрозай для сваіх грамадзянаў


Грозны, сталіца Чачэніі
Грозны, сталіца Чачэніі

Рада штогод абнаўляе мапу, дзе пазначае пагрозы для грамадзян Ізраілю.

Чачэнская Рэспубліка, якая ўваходзіць у склад Расеі, пазначаная ў новым выданьні як рэгіён зь «вельмі высокай рэальнай пагрозай». Ізраільскае антытэрарыстычнае бюро рэкамэндавала сваім грамадзянам пазьбягаць наведваньня рэгіёну і памежнай зоны паміж Чачэніяй і Грузіяй з абодвух бакоў.

На гэта ўжо адрэагаваў кіраўнік Чачэніі Рамзан Кадыраў. Ён абвінаваціў афіцыйны Тэль-Авіў у тым, што сьпіс краін складаецца ізраільцянамі «пад чыюсьці дудку». Ён заклікаў ізраільскія ўлады не палохаць сваіх грамадзян «неіснуючымі чачэнскімі тэрарыстамі».

Паводле яго, грамадзяне Ізраілю актыўна прыяжджаюць у Чачэнію на адпачынак, а таксама вядуць у рэгіёне бізнэс.

Для іншых рэгіёнаў Расеі, а таксама Грузіі, няма ніякіх папярэджаньняў.

Таксама ў сьпіс рэгіёнаў зь вельмі высокай для грамадзян Ізраілю пагрозай Рада бясьпекі ўключыла Аўганістан, Сінайскі паўвостраў Эгіпту, Кашмір у Індыі, Іран, Ірак, Лібію, Поўнач Нігерыі, Саудаўскую Арабію, Самалі, Судан, Сырыю і Емэн.

Яшчэ шэраг рэгіёнаў, пераважна ісламскіх краін, трапіў у сьпіс «высокай пагрозы».

Для Беларусі няма ніякіх засьцярог на паездкі для грамадзян Ізраілю.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG