Жывую трансьляцыю зь перакладам на расейскую мову вядзе тэлеканал «Настоящее время».
Прэзыдэнт пачаў прэс-канфэрэнцыю з выступу пра высілкі адміністрацыі ЗША ў барацьбе з эпідэміяй каранавірусу. Паводле Байдэна, удалося вырашыць пастаўленую ім задачу — дамагчыся таго, каб у ЗША былі зробленыя 100 мільёнаў прышчэпак ад COVID-19 у першыя 100 дзён яго прэзыдэнцтва.
Журналісты задаюць Байдэну пытаньні аб барацьбе з эпідэміяй, аб іміграцыі, кантролі за зброяй і заканадаўчых ініцыятывах. Чакаюцца і пытаньні аб міжнародных адносінах.
Праз абмежаваньні, зьвязаныя з пандэміяй, у залі прысутнічаюць усяго некалькі дзясяткаў журналістаў, якіх адабрала Асацыяцыя карэспандэнтаў Белага дому.