Лінкі ўнівэрсальнага доступу

Беларусы адзначаюць Дзень Волі. Што адбываецца 25 сакавіка

08:01 26.3.2021

Як прайшоў Дзень Волі. Вынікі

23:28 25.3.2021

Вызвалілі лекара Рустама Айзатуліна

Лекара Рустама Айзатуліна, затрыманага сёньня ў Менску, адпусьцілі з РАУС., паведамляюць «Белые халаты». Рустам Айзатулін — траўматоляг-артапед, унікальны спэцыяліст, які можа выконваць выключныя апэрацыі для лячэньня хворых дзяцей. Раней ён быў звольнены з РНПЦ ТіА з-за сваёй грамадзянскай пазыцыі, пасьля адным зь першых уступіў у мэдыцынскі прафсаюз «Панацэя».

23:11 25.3.2021

Акцыі салідарнасьці за мяжой

22:56 25.3.2021

Улады паведамляюць пра больш чым 200 затрыманых

Прадстаўніца Ўнутраных спраў Беларусі паведаміла, што на цяперашні момант за парушэньне заканадаўства аб масавых мерапрыемствах у Беларусі 25 сакавіка затрымана больш за 200 чалавек, піша БЕЛТА.

Таксама праваахоўнікі выявілі 43 кіроўцаў, якія «парушалі правілы выкарыстаньня гукавымі сыгналамі». 11 аўтамабіляў, ідэнтыфікацыйныя дадзеныя якіх «выклікалі сумневы ў сапраўднасьці, зьмешчаныя на стаянкі ў тэрытарыяльныя органы ўнутраных спраў для далейшага разбору».

22:42 25.3.2021

Затрымалі сябра асноўнага складу Каардынацыйнай рады

Сёньня была затрыманая сябра асноўнага складу Каардынацыйнай рады Аксана Зарэцкая, паведаміла Рада ў Тэлеграме.

UPD. Пазьней яе адпусьцілі з Цэнтральнага РАУС.

22:19 25.3.2021

У Бабруйску затрымалі мінімум 12 чалавек

Выразнай акцыі ў Бабруйску не было, некаторыя гулялі ўздоўж вуліцы Менскай без сымболікі. Міліцыянты ў чорным хапалі выбарачна першых стрэчных. Сярод затрыманых Уладзімер Міхалап, Ірына Сурыгіна, Дзяніс Носаў (карэспандэнт «Вечернего Бобруйска», потым адпусьцілі). Некаторых адпускаюць пад павесткі, чатыры-пяць чалавек, мяркуючы па ўсім, затрымаюць на ноч.

22:10 25.3.2021

Аўтапрабег пад нацыянальнымі сьцягамі на Падляшшы

22:08 25.3.2021

На 22.00 валянтэры паведамляюць пра 136 затрыманых

У сьпісах валянтэраў на 22-ую гадзіну ўжо 136 прозьвішчаў затрыманых. Сьпіс тут.

21:59 25.3.2021

У Гомлі за выкрыкі «Жыве Беларусь» сілавікі затрымалі падлеткаў. Яны скардзяцца на пабоі

У Гомлі ўвечары 25 сакавіка міліцыя затрымала 5 падлеткаў узростам ад 14 да 17 гадоў. Іх трымалі ў Цэнтральным РАУС Гомля, а потым аддалі бацькам. Адзін з затрыманых распавёў валянтэрам, што пасьля затрыманьня міліцыянты білі іх па твары. Адзін з пабітых падлеткаў перад затрыманьнем крычаў «Жыве Беларусь!»

21:35 25.3.2021

Акцыі салідарнасьці зь беларусамі за мяжой

21:31 25.3.2021

Праваабаронцы паведамляюць пра 118 затрыманых

Па дадзеных на 21:30 «Вясьне» вядома пра як мінімум 118 затрыманых у 19 гарадах Беларусі.

21:18 25.3.2021

У Менску і іншых гарадах запускаюць фаервэркі

Увечары па ўсім Менску запускаюць сьвяточныя салюты. Таксама відавочцы зьнялі салюты ў іншых гарадах Беларусі: вядома прынамсі пра салюты ў Горадні, Ваўкавыску, Лідзе, Брылевічах.

21:15 25.3.2021

Валянтэрам вядомыя прозьвішчы 90 затрыманых на Дзень Волі

Ініцыятыва «Сьпісы затрыманых» дала зьвесткі па стане на 21 гадзіну.


21:05 25.3.2021

Затрымалі 2 расейскіх журналістаў

У Менску затрымалі двух расейскіх журналістаў: карэспандэнта «Коммерсанта» і фатографа «Известий», піша Tut.by.

Агулам падчас сьвяткаваньня Дня Волі ў Беларусі 25 сакавіка затрымалі 5 прадстаўнікоў СМІ. У Менску затрымалі беларускую журналістку Натальлю Хамутоўскую. Пазьней яе выпусьцілі без складаньня пратаколу, тэлефон не забіралі.

Таксама ў Менску пры асьвятленьні акцый затрымалі дваіх расейскіх журналістаў: журналіста «Коммерсанта» Кірыла Крывашэева і фатографа «Известий» Паўла Волкава. Яны ў Кастрычніцкім РУУС.

У Берасьці затрымлівалі журналістаў Мілану Харытонаву і Алеся Леўчука.

21:04 25.3.2021

Затрыманьні на Дзень Волі і ў Менску. Відэа

20:58 25.3.2021

Вечаровы марш у вайсковым гарадку ва Ўруччы

20:56 25.3.2021

Акцыя ў Сьціклева пад Менскам

20:51 25.3.2021

Акцыя ў Вільні з трохсотмэтровым нацыянальным беларускім сьцягам

Сьвятлана Ціханоўская ўзначаліла шэсьце ў Вільні на Дзень Волі.

20:38 25.3.2021

Польшча: акцыя салідарнасьці зь беларусамі ў Лодзі

20:37 25.3.2021

У Берасьці ў неба запусьцілі бел-чырвона-белы сьцяг

Загрузіць яшчэ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG