Лінкі ўнівэрсальнага доступу

Байдэн абмяркуе зь лідэрамі Эўразьвязу адносіны ЗША і ЭЗ


Джозэф Байдэн
Джозэф Байдэн

Прэзыдэнт ЗША Джо Байдэн у чацьвер возьме ўдзел у відэаканфэрэнцыі лідэраў ЭЗ. Абодва бакі паспрабуюць аднавіць стасункі пасьля чатырох цяжкіх гадоў з прэзыдэнтам Дональдам Трампам, інфармуе «Голас Амэрыкі».

У заяве Белага дому гаворыцца, што Байдэн «будзе абмяркоўваць зь лідэрамі Эўрапейскага Зьвязу сваё жаданьне ажывіць адносіны ЗША і ЭЗ, аб’яднаць намаганьні ў барацьбе з пандэміяй і зьменамі клімату, а таксама паглыбіць найбуйнейшыя ў сьвеце гандлёва-інвэстыцыйныя адносіны».

Ён таксама закране тэму Кітаю і Расеі ў гутарцы зь лідэрамі 27 краін ЭЗ, якія віталі яго прэзыдэнцтва як магчымасьць узмацніць увагу да прыярытэтаў ЭЗ у галіне правоў чалавека і глябальнага пацяпленьня.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG