Лінкі ўнівэрсальнага доступу

На «Міс Сусьвет» ад Лаосу паедзе прыгажуня зь беларускімі каранямі. Яе мама зь Лельчыц


Лаоская моладзь, ілюстрацыйнае фота

Пераможцай конкурсу «Міс Сусьвет Лаос 2020» стала Крысьціна Ласасіма. Яна напалову этнічная беларуска: яе маці — з Гомельшчыны.

Перамога ў краінавым конкурсе, які праводзіўся віртуальна, дае дзяўчыне права прадставіць краіну на міжнародным форуме «Міс Сусьвет 2020». Фінал пройдзе 16 траўня ў амэрыканскім штаце Флорыда.

Пра гэта паведамляе выданьне «Беларусь&мир» са спасылкай на афіцыйны сайт конкурсу. Абодва мерапрыемствы мусілі адбыцца яшчэ летась, аднак праз пандэмію каранавірусу іх перанесьлі на 2021 год.

Паводле лаоскіх СМІ, Крысьціна Ласасіма нарадзілася ў сталіцы краіны Віенцьяне, мае беларускія карані. У свой час яе мама пераехала сюды зь Лельчыц Гомельскай вобласьці.

Дзяўчына ўжо ня першы раз становіцца пераможцай конкурсаў прыгажосьці: на яе рахунку тытул «Міс Лаос 2012». Таксама яна працавала мадэльлю ў Тайляндзе.

Пра свае посьпехі Крысьціна расказвае на асабістай старонцы ў Facebook.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG