Міністэрства аховы здароўя даручыла падведамным структурам «прыняць неабходныя меры для недапушчэньня ў 2021 годзе павелічэньня прыросту індэксу спажывецкіх цэнаў больш як на 5%» на платныя мэдычныя паслугі, паведаміў БелаПАН з спасылкай на прэс-службу ведамства.
Адзначаецца, што магчымасьць павелічэньня цэнаў улады могуць разгледзець «выключна ў рамках ліквідацыі (скарачэньня) стратнасьці паслуг».
Афіцыйны дакумэнт, які зьмяшчае названае рашэньне, у публікацыі ня згадваецца. Таксама няма спасылкі на які-небудзь нарматыўна-прававы акт, на падставе якога яно прынятае.
Паводле закону, улады рэгулююць цэны на наступныя мэдычныя паслугі:
- стаматалягічныя (артапэдычныя і зубатэхнічныя),
- дыягнастычныя (лябараторная, прамянёвая, ультрагукавая, функцыянальная і эндаскапічная дыягностыка),
- мэдычны агляд для выдачы правоў кіроўцы.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў