Лінкі ўнівэрсальнага доступу

У Беларусі зьявіліся чатыры новыя палітвязьні


Ізалятар на Акрэсьціна, Менск

Беларускія праваабаронцы прызналі чарговымі палітвязьнямі чатырох берасьцейцаў, якім суд Ленінскага раёну гораду прысудзіў пазбаўленьне волі за ўдзел у акцыях пратэсту супраць фальсыфікацыі прэзыдэнцкіх выбараў.

На паўтара года і на год і восем месяцаў па ч.1 арт. 342 КК («Групавыя дзеяньні, якія груба парушаюць грамадзкі парадак») асуджаныя Аляксей Арцецкі і Дзьмітрый Буневіч. Таксама былі ўзятыя пад варту па ч.1 арт. 293 КК («Масавыя беспарадкі) Дзяніс Іванец, па ч.2 арт. 293 КК і ч.1 арт. 342 КК Раман Сідзюк; абодвум прад'яўленыя абвінавачаньні.

«Выступы грамадзянаў насілі стыхійны, самаарганізаваны характар і былі выкліканыя недаверам да вынікаў выбараў прэзыдэнта Рэспублікі Беларусь, якія адбыліся 9 жніўня 2020 году і праходзілі са шматлікімі парушэньнямі і фальсыфікацыямі, не былі прызнаныя міжнароднай супольнасьцю як дэмакратычныя, справядлівыя і свабодныя», — гаворыцца ў заяве Праваабарончага цэнтру «Вясна» і Беларускага ПЭН-цэнтру.

Праваабаронцы лічаць перасьлед берасьцейцаў палітычна матываваным і заклікаюць улады неадкладна вызваліць іх з-пад варты і спыніць іх крымінальны перасьлед.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG