Лінкі ўнівэрсальнага доступу

МУС заявіла, што затрымала кіраўніка чату Новай Баравой. Агулам там узялі каля 13 чалавек


Ілюстрацыйнае фота
Ілюстрацыйнае фота

34-гадовага жыхара Менскага раёну затрымаў ГУБАЗіК. Мужчына, па словах прэс-сакратара МУС Вольгі Чамаданавай, быў адміністратарам чату «Новая Боровая 98%». Жыхары раёну сьцьвярджаюць, што ён быў толькі яго ўдзельнікам.

Па словах Чамаданавай, мужчына «кіраваў закрытым паблікам раёну, у якім каля 300 карыстальнікаў, у тым ліку найбольш радыкальных актывістаў, якія арганізуюць пратэсты ў жылым комплексе».

Таксама яна заявіла, што «сьледчыя дадуць прававую ацэнку ў крымінальнай справе, пачатай за стварэньне экстрэмісцкага фармаваньня».

У кватэры затрыманага апэратыўнікі нібыта знайшлі пратэставую сымболіку і больш за 1,5 тысячы ўлётак з заклікамі; канфіскавалі яго мабільны тэлефон.

Аднак тэлеканал «Белсат» са спасылкай на сваіх гледачоў паведаміў, што ў чаце «Новая Боровая 98%» мужчына быў звычайным удзельнікам, а не мадэратарам, як кажа Чамаданава. Мадэраваў ён толькі невялічкі чат.

З 11 сакавіка ў раёне Новая Баравая затрымалі мінімум 11 чалавек. Жыхары паведамляюць, што пасля затрыманьняў у пад’ездах адключаюць відэаназіраньне. Прычым 16 сакавіка, як пішуць жыхары, адключэньне адбылося менавіта падчас затрыманьня ў адным з пад’ездаў, піша тэлеграм-канал «МотолькоПомоги».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG