Як патлумачылі «Мінск-Навіны» ў прадпрыемстве «Мінскводаканал», каля 10.00 у выніку пашкоджаньня трубаправоду халоднага водазабеспячэньня ў раёне дома № 37 на вул. Мірашнічэнкі адбылося забруджваньне вады, якая падаецца спажыўцам.
З праблемай сутыкнуліся жыхары дамоў № 11, 27, 29, 31, 37,47 на вуліцы Мірашнічэнка і дома № 20 на вуліцы Гамарніка.
Цяпер адключаюць абсталяваньне і рыхтуюцца да ліквідацыі пашкоджаньня. На час аднаўленчых работ арганізаваны падвоз пітной вады. Аўтацыстэрны разьмешчаны на дзьвюх кропках — на вуліцы Мірашнічэнкі, 27 і 47.
У «Мінскводаканале» дадалі, што спэцыялісты робяць усё магчымае для хутчэйшага вырашэньня праблемы.
Гэта ня першы выпадак аварый і падачы бруднай вады менскім спажыўцам за апошні час.