Лінкі ўнівэрсальнага доступу

Былая беларуская біятляністка атрымала дзяржаўную ўзнагароду Ўкраіны за «бронзу» на чэмпіянаце сьвету – 2021


Дар'я Блашко

Прэзыдэнт Украіны Ўладзімір Зяленскі ўзнагародзіў мэдалём «За працу і доблесьць» былую беларускую біятляністку Дар’ю Блашко, якая летась увайшла ў аснову ўкраінскай жаночай зборнай.

Сёлета ў лютым Блашко разам зь іншымі спартоўкамі каманды заваявала броназвы мэдаль у эстафэце на чэмпіянаце сьвету ў біятлёне ў Славеніі.

Дзяржаўаныя ордэны і мэдалі таксама атрымалі ўсе прадстаўніцы жаночай зборнай Украіны ў біятлёне.

Дар’я Блашко разам са сваім трэнэрам Уладзімерам Махлаевым летам 2017 году абвясьцілі аб пераезьдзе ва Ўкраіну і плянах перайсьці ва ўкраінскую нацыянальную зборную, бо не змаглі дамовіцца з тагачасным штабам зборнай Беларусі пра мадэль і ўмовы падрыхтоўкі. У верасьні 2017-га прэзыдэнт Украіны Пятро Парашэнка падпісаў указ аб наданьні Дар’і Блашко ўкраінскага грамадзянства.

З 2019 году Дар’я Блашко атрымала магчымасьць выступаць за Ўкраіну. У асноўны склад зборнай Украіны яе ўключылі ў 2020 годзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG