Паводле праваабаронцаў, сярод іх сустаршыня Беларускай хрысьціянскай дэмакратыі Віталь Рымашэўскі, палітоляг Андрэй Ягораў, прафсаюзны лідэр Генадзь Быкаў, кіраўніца менскай гарадзкой арганізацыі Свабоднага прафсаюзу Беларускага Марыя Тарадзецкая, выканаўчы дырэктар Інстытуту дэмакратыі і сацыяльнага рынку Дзьмітры Кухлей ды іншыя.
Увечары 5 сакавіка на ўстаноўчай канфэрэнцыі Лігі студэнцкіх аб’яднаньняў у менскім бізнэс-клюбе «Імагуру» невядомыя ў масках затрымалі блізу трох дзясяткаў чалавек. Усіх даставілі ў міліцыю.
Паводле сьведкаў, на студэнтаў пратаколы не складалі, але «жорстка правяралі», усе пад падпіскай за адміністрацыйную адказнасьць у выпадку паўторнага парушэньня.
У незалежны прафсаюз Лігі студэнцкіх аб’яднаньняў увайшлі прадстаўнікі мясцовых ініцыятываў найбуйнейшых беларускіх ВНУ.
Мэта новай арганізацыі — абараняць і адстойваць правы студэнтаў законнымі мэтадамі, аказваць ім юрыдычную дапамогу, садзейнічаць паляпшэньню ўмоваў навучаньня.
