Мэр польскага Плоцку выказаў салідарнасьць з пратэстоўцамі Наваполацку

Польскі Плоцк зьяўляецца горадам-пабрацімам беларускага Наваполацку
У лісьце мэр Плоцку Анджэй Навакоўскі выказаў занепакоенасьць «сытуацыяй простых грамадзянаў і незалежных СМІ ў Беларусі».

«Апошні прысуд двум журналістам тэлеканалу „Белсат“ паказвае, наколькі драматычным робіцца ваша становішча, — зьвяртаецца мэр польскага гораду да жыхароў Наваполацку. — Беларускія спэцслужбы на загад уладаў рэпрэсуюць і спрабуюць запужаць жыхароў, якія пасьля выбараў працягваюць змагацца за свабоду і дэмакратыю».

«Хачу заверыць жыхароў Наваполацку, што жыхары горада-партнэра Плоцку ў Польшчы падтрымліваюць іх імкненьне да свабоды і цалкам зь імі салідарныя,» — напісаў Анджэй Навакоўскі.

ГЛЯДЗІЦЕ ТАКСАМА:

Радослаў Сікорскі: пра неўмяшаньне ЭЗ, «польскую мяжу да Менску» і «чорных павукоў»