Лінкі ўнівэрсальнага доступу

Са школы на поўначы Нігерыі выкралі 300 дзяўчынак, вядуцца пошукі


Імёны школьніц, выкрадзеных у Чыбуку ў Нігерыі 14 красавіка 2014 году. 100 зь іх дагэтуль не знайшлі

У Нігерыі тры сотні дзяўчынак зьніклі пасьля налёту вялікай групы ўзброеных людзей на школу на поўначы краіны раніцай 26 лютага.

Як расказаў агенцтву Associated Press мясцовы жыхар, узброеныя нападнікі, акрамя школы, атакавалі вайсковы лягер і кантрольна-прапускны пункт паблізу. Менавіта гэтая акалічнасьць, паводле словаў відавочцы, магла перашкодзіць вайскоўцам умяшацца ў сытуацыю ў школе.

Службы бясьпекі праводзяць апэрацыю пошуку злачынцаў.

У Замфары дзейнічаюць некалькі буйных злачынных групаў, якія вядомыя выкраданьнямі ў абмен на грошы і вызваленьне з турмаў іх асуджаных суўдзельнікаў.

Раней у гэтым месяцы ў іншым нігерыйскім штаце, Нігер, таксама атакавалі школу. Сама менш адно дзіця загінула, больш за 40 чалавек былі выкрадзеныя. Сярод іх ня толькі школьнікі, але і іх настаўнікі і сямейнікі. Два месяцы раней узброеная банда выкрала каля 400 хлопчыкаў са школы ў нігерыйскім штаце Кацын.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG