Лінкі ўнівэрсальнага доступу

МЗС можа забараніць замежным дыпляматам хадзіць на судовыя працэсы, каб «ня ціснулі на суды»


Фасад Міністэрства замежных справаў Беларусі

Міністэрства замежных справаў скрытыкавала замежных дыпляматаў, якія наведваюць палітычныя судовыя працэсы ў Беларусі.

«Мы назіраем спробу ўкараненьня заходнімі краінамі новай практыкі — практыкі ўзьдзеяньня на суд праз дыпляматаў. Неабгрунтаваная прысутнасьць замежных дыпляматаў на адкрытых судовых пасяджэньнях па справах, якія ня тычацца іх грамадзян, зьяўляецца, па сутнасьці, спробай схаванага ўдзелу ў прыняцьці судовага рашэньня шляхам аказаньня ціску на суд. Пры гэтым, падкрэсьлю, такі ціск аказваецца не замежным грамадзянінам асабіста, а менавіта дыпляматам як афіцыйным прадстаўніком замежнай дзяржавы. Гэта значыць, гаворка ідзе пра дэ-факта ціск на суд з боку замежнай дзяржавы», — цытуе БелТА прэс-сакратара МЗС Анатоля Глаза.

У МЗС наведваньне дыпляматамі судовых працэсаў лічаць «злоўжываньнем дыпляматычным статусам». «Мы пакідаем за сабой права спыняць такія спробы з выкарыстаньнем усіх юрыдычных магчымасьцяў», — заявіў Глаз.

Заходнія дыпляматы прысутнічалі на нядаўнім судзе над Кацярынай Андрэевай і Дар'яй Чульцовай, а таксама на працэсе ў справе Віктара Бабарыкі. Глаз назваў такую практыку непрымальнай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG