Лінкі ўнівэрсальнага доступу

Пратэстоўцы паставілі намёты каля сядзібы парлямэнту ў Тбілісі


Georgia -- Rally Nika Melia's supporters tent

У Тбілісі праходзіць акцыя ў падтрымку арыштаванага лідэра апазыцыйнай партыі «Адзіны нацыянальны рух» (АНД) Нікі Мэлія. Актывісты паставілі два намёты каля будынку парлямэнту.

Рух на праспэкце Руставэлі быў прыпынены. Паліцыя не перашкаджае правядзеньню акцыі.

Лідэры апазыцыйных партый і іх прыхільнікі перамясьціліся ад будынку адміністрацыі ўраду Грузіі на праспэкт Руставэлі. Яны ўсталявалі два вялікія намёты перад будынкам парлямэнта. Прадстаўнікі апазыцыі кажуць, што акцыі пратэсту ў цэнтры Тбілісі будуць пэрманэнтнымі.

Раніцай 23 лютага супрацоўнікі паліцыі ўзялі штурмам пакой, у якім знаходзіўся Ніка Мэлія. Паліцыя выкарыстала спэцсродкі, у тым ліку газ. Мэлія затрымалі.

Старшыню «Адзінага нацыянальнага руху» Ніку Мэлія абвінавачваюць у арганізацыі і кіраўніцтве групавым гвалтам, а таксама ўдзеле ў ім — па справе аб беспарадках 20 чэрвеня 2019 года. Раней лідэр найбуйнейшай апазыцыйнай партыі краіны адмовіўся выплаціць заклад, абраны яму судом у якасьці меры стрыманьня, а парлямэнт зьняў зь яго дэпутацкую недатыкальнасьць. Пазьней Тбіліскі гарадзкі суд зьмяніў меру стрыманьня з закладу на арышт.

18 лютага Георгій Гахара падаў у адстаўку з пасады прэм’ер-міністра. Ён распавёў пра рознагалосьсі з кіруючай камандай адносна выкананьня рашэньня суда ў дачыненьні да Нікі Мэлія.

У панядзелак увечары парлямэнт зацьвердзіў на пасаду прэм’ера Іраклія Гарыбашвілі. Ён назваў Ніку Мэлія «крыміналам» і анансаваў выкананьне рашэньня суду ў дачыненьні да яго.

26 лютага ў Тбілісі плянуецца вялікае шэсьце апазыцыі з патрабаваньнем вызваліць Ніку Мэлія.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG