Лінкі ўнівэрсальнага доступу

«Нам гэта дазволена». Падчас ператрусу ў бацькоў журналісткі пагражалі ўжыць сьлезацечны газ супраць козаў


Ілюстрацыйнае фота

21 лютага ў доме бацькоў журналісткі «Сильных новостей» Сьняжаны Пагодзінай ў Жлобіне правялі ператрус — прыйшло як мінімум сямёра сілавікоў з санкцыяй Сьледчага камітэту.

Пра гэта паведамляюць «Сильные новости».

Па словах міліцыянтаў, нібыта на суседняй вуліцы вісеў бел-чырвонна-белы сьцяг, яны шукалі, хто яго вывесіў. У пастанове аб ператрусе пазначана, што ператрус правялі ў рамках крымінальнай справы аб «зьдзеках зь дзяржсьцягу». Ператрус прайшоў і ў цёткі Сьняжаны. Правяралі хаты і гаспадарчыя пабудовы.

— Захадзілі нават у хлеў, дзе былі козы. Жывёлы, дарэчы, не пускалі праваахоўнікаў унутр памяшканьня. Тады тыя сказалі бацькам іх прыбраць, у адваротным выпадку пагражалі запрыскать ім вочы слёзацечным газам, дадаўшы «нам гэта дазволена», — распавяла Сьняжана.

Паводле яе, у хаце міліцыянты нічога не знайшлі і ніхто з суседзяў не пагадзіўся быць панятымі. Пагодзіна зьвязвае ператрус і тое, што яго правялі ў выходны дзень, са сваёй грамадзянскай пазыцыяй. Яна адзначае, што на вуліцы ў прыватным сэктары каля 60 дамоў, але сілавікі прыйшлі менавіта да яе сваякоў.

Тое, што ператрус прайшоў у дамах трох сваякоў журналісткі, сьведчыць пра тэрміновасьць справы, патлумачыў адвакат журналісткі. Паводле яго калі ёсьць неабходнасьць экстрана правесьці падобныя мерапрыемствы, яны маюць права рабіць гэта без санкцыі пракурора.

Супрацоўніца БМЗ пра сваё звальненьне
пачакайце

No media source currently available

0:00 0:00:55 0:00

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG