Лінкі ўнівэрсальнага доступу

Святлана Ціханоўская і Павал Латушка правядуць сустрэчу ў сацыяльнай сетцы Clubhouse


Былы кандыдат у прэзыдэнты Беларусі Сьвятлана Ціханоўская і кіраўнік Народнага антыкрызіснага кіраўніцтва Павел Латушка 17 лютага правядуць сустрэчу ў новай сацсетцы Clubhouse.

Як гаворыцца ў анонсе сустрэчы, «пакой» (чат) адкрыецца ў 17:00 па менскім часе.

Clubhouse — сацыяльная сетка, удзельнікі якой зьбіраюцца ў онлайн-пакоях і размаўляюць у рэжыме рэальнага часу. Любы карыстальнік можа паслухаць размову і з дазволу мадэратара падлучыцца да дыскусіі. Расейскамоўны сэгмэнт гэтай сеткі хутка расьце ў апошнія дні.

Удзельнікі плянуюць абмеркаваць «будучыню Беларусі», піша TUT. BY. Выданьне абяцае выдаць «інвайты» (запрашэньні) для ўдзелу ў размове. Далучыцца да чату зь Ціханоўскай і Латушкам можна будзе па спасылцы.

Паведамляецца, што ў Clubhouse ўжо зарэгістраваліся многія вядомыя беларусы, сярод іх IT-прадпрымальнікі Віктар Пракапеня і Мікіта Мікада.

14 лютага заснавальнік SpaceX Ілон Маск напісаў у твітэры, што хацеў бы правесьці ў Clubhouse сустрэчу з Уладзімірам Пуціным. Крэмль палічыў цікавай ягоную прапанову. На наступны дзень расейскі пракрамлёўскі тэлевядоўца Ўладзімір Салаўёў паведаміў, што сацыяльная сетка Clubhouse заблякавала ягоны рахунак амаль адразу ж пасьля таго, як ён быў адкрыты.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG