Лінкі ўнівэрсальнага доступу

«У выпадку ўцёкаў будзе ўжыты агонь на паражэньне». Жыхар Маладэчна — пра затрыманьне лыжнікаў


У нядзелю, 14 лютага, міліцыя затрымала ўдзельнікаў сустрэчы лыжнікаў пад Маладэчнам. Падчас затрыманьня міліцыя папярэдзіла, што пры спробе ўцёкаў будзе адкрыты агонь на паражэньне

У нядзелю, 14 лютага, міліцыя затрымала ўдзельнікаў сустрэчы лыжнікаў пад Маладэчнам. Былі затрыманыя 11 жанчын і 8 мужчынаў. Адзін удзельнік сустрэчы зьбег і ўжо пакінуў Беларусь.

Пра абставіны затрыманьня ён распавёў выданьню «Рэгіянальная газэта».

Паводле яго, на сустрэчу сабралася сем аўтамабіляў, прыехалі на месца каля падстанцыі ў вёсцы Ляшно. Хацелі запісаць відэа і добра правесьці час.

Пачалі распраўляць 20-мэтровы сьцяг, у гэты момант на гары паказалася каля 7–10 чалавек у цёмным адзеньні. Стала зразумела, што гэта міліцыянэры.

— Калі яны падыходзілі бліжэй, — расказвае маладэчанец, — казалі не разьбягацца. І што ў выпадку ўцёкаў будзе ўжыты агонь на паражэньне. Я пабег па полю, пакуль хапіла сіл. Проста бег, разумеў, што яны мяне не дагоняць. Я раней быў легкаатлет. Бег і глядзеў, ці пабеглі за мной. Пабачыў, што не, і пабег далей.

— Вы не думалі, што вас дагоняць?

— Сьнег былі ў калена. Зьняў лыжы, і як толькі пачаў бегчы, зразумеў, што ў іх не хопіць сілаў. Уцячы было вельмі складана, бег ледзь не да ванітаў. Чаму пабег? Я не ведаю, гэта проста сэкундны выбар. Страшна стала ўжо пасьля, калі выйшаў на адкрытую дарогу і не ведаў, хто можа ехаць.

Мужчыну забралі знаёмыя. У вёсцы засталася яго машына. У той жа дзень у доме маладэчанца быў ператрус. Нічога не знайшлі, а пасьля аддалі машыну сваякам. На наступны дзень мужчына выехаў за мяжу. Такое рашэньне ён прыняў таму, што яго ўжо затрымлівалі раней, пасьля чаго ён згубіў працу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG