Лінкі ўнівэрсальнага доступу

Менчуку падчас затрыманьня зламалі нагу, а пасьля рэабілітацыі прысудзілі буйны штраф


Падчас Маршу народаўладзьдзя, 8 лістапада 2020
Падчас Маршу народаўладзьдзя, 8 лістапада 2020

«Марш народаўладзьдзя» скончыўся для менчука ў менскай лякарні хуткай дапамогі. Пасля трох месяцаў рэабілітацыі маладога чалавека аштрафавалі на 870 рублёў.

24-гадовага Ўладзімера Казлоўскага затрымалі 8 лістапада ў Траецкім прадмесьці, хоць у пратаколе сказана, што «рухаўся ў групе грамадзянаў па вуліцы Багдановіча», паведамляе «Вясна».

Падчас налёту сілавікоў ён атрымаў сур’ёзныя пашкоджаньні: чэрапна-мазгавую траўму, пералом нагі і рэбра. Яго даставілі ў шпіталь, дзе правёў наступны месяц, а рэабілітацыя пасьля апэрацыі доўжыцца вось ужо 3 месяцы. У сувязі з траўмамі Уладзімер ня змог зьявіцца ў суд. Адвакатка заявіла, што з пратаколам падабароннаму азнаёміцца не далі.

Справай Казлоўскага займаецца суд Ленінскага раёна Менска. Ад моманту затрыманьня яго судзілі двойчы. Пра першы працэс 5 студзеня фігуранта нават не апавясьцілі: СМС з датай суду прыйшло на наступны дзень. Справу тады разглядала Анастасія Ачалава, якая прызнала Ўладзімера вінаватым паводле арт. 23.34 КаАП і асудзіла на 15 сутак. Пасьля абскарджаньня Менскі гарадзкі суд адмяніў ранейшае рашэньне.

8 лютага справу разглядала судзьдзя Тацяна Шоцік, патрабуючы ад адвакаткі толькі «паказаньняў па сутнасьці». Яе цікавіла, ці выкрыкаваў Уладзімер лёзунгі 8 лістапада, пры гэтым на траўмы пасьля зьбіцьця сілавікамі не зьвяртала аніякай ўвагі.

Пасьля кароткага паседжаньня судзьдзя аштрафавала Ўладзімера Казлоўскага на 870 рублёў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG