Пра гэта паведаміў міністар замежных спраў краіны Марк Гарно, які падтрымаў ініцыятыву экс-кандыдата ў прэзыдэнты Святланы Ціханоўскай абвясьціць 7 лютага Міжнародным днём салідарнасьці з Беларусьсю.
МЗС Канады адзначае, што гэтыя сродкі — дапаўненьне да 600 тыс. даляраў (469 тыс. даляраў ЗША), аб выдзяленьні якіх для падтрымкі беларускіх жанчын і незалежных СМІ было абвешчана раней.
На думку канадзкіх уладаў, гэта дапаможа ўмацаваць разнастайнасьць, устойлівасьць і эфэктыўнасьць беларускай грамадзянскай супольнасьці, якая адстойвае свае правы і грамадзянскія свабоды.
Зьнешнепалітычнае ведамства падкрэслівае, што Канада працягне працу са сваімі міжнароднымі партнэрамі, каб галасы людзей у Беларусі былі пачутыя, а вінаватыя ў падрыве дэмакратыі і парушэньні правоў чалавека — прыцягнутыя да адказнасьці.
«Канада з самага пачатку крызісу актыўна ўдзельнічала ў падтрымцы дэмакратычных памкненняў народа Беларусі і выступала за мірнае ўрэгуляванае палітычнай сытуацыі. Мы працягнем выступаць за сапраўдны і ўсебаковы нацыянальны дыялёг, каб будучыня Беларусі адлюстроўвала волю яе грамадзян», — заявіў Марк Гарно.
Раней Канада ўвяла санкцыі ў дачыненьні да 55 асобаў, вінаватых, на яе думку, у парушэньні правоў чалавека ў Беларусі.
