У інтэрвію Алег Суконка кажа, што:
- «трэба даваць нармальную, правільную, шчырую статыстыку па каранавірусе і зь яе зыходзіць», але сапраўднай статыстыкі «ні вы, ні я ня ведаем»;
- пытаньне сумнеўнай статыстыкі распаўсюду COVID-19 ён ня проста «падымаў у вярхах», а «наехаў на цяперашняга і папярэдняга міністраў аховы здароўя»;
- пытаў міністраў, чаму не было канфэрэнцыі па выніках першай хвалі каранавірусу і чаму зь яе не зрабілі высноваў;
- дакладваў Натальлі Качанавай, што для хворых на COVID-19 павінны быць спэцыяльныя інфэкцыйныя клінікі, а лекаваць такіх хворых у лякарнях агульнага профілю — «некваліфікавана»;
- каранавірус — «штучная рэч, створаная за мяжой».
На заяву журналіста аб тым, што ён як «сэнатар» можа агучыць гэта на Ўсебеларускім сходзе, Суконка перапытаў: «А ці варта?». Адкрытым лістом беларускіх лекараў ён не цікавіўся — «як сэнатар нават ня ўмешваўся, сядзеў ціха».
З мэдыцыны, заявіў Суконка, ён сышоў ня проста так — «эвакуавалі і пастараліся, каб мяне нідзе больш не было». З былым міністрам аховы здароўя Ўладзімерам Каранікам у яго «асабістая непрыязнасьць, прычым сур’ёзная», бо «ён рэдкі дэмагог». Калі Каранік заняў пасаду міністра, яго, Суконку, як сам ён кажа, «выкінулі бяз права працаўладкаваньня».
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
