У нядзелю 17 студзеня яна выйшла прагуляцца па Горадні. Надзела цёплыя штаны зь бела-чырвонымі лямпасамі, узяла каву, разгаварылася па дарозе з жанчынай. Яны ўдзьвюх ішлі ў бок Моладзевага цэнтру, калі ззаду падбег АМАП і папрасіў прайсьці ў бус.
«У пратаколе напісалі, што я ўдзельнічала ў пікеце, крычала „Жыве Беларусь“. Але міліцыянт ад рукі яшчэ складаў тлумачальную — там было пра колер штаноў, які парушае грамадзкі парадак. Я зьдзівілася: што, такое цяпер у дакумэнтах пішуць?» — расказала жанчына.
Гэтая публікацыя падрыхтаваная з выкарыстаньнем інфармацыі БелаПАН.
