Лінкі ўнівэрсальнага доступу

23 студзеня стартуе онлайн-праект #АртыстыПерамогі. Першым выступіць рагачоўскі Тor Band


TOR BAND: сымбаль пратэстаў 2020 году

Беларускі фонд культурнай салідарнасьці запускае новы музычны праект з жывой актуальнай беларускай музыкай — пратэставымі хітамі, якія нарадзіліся пад уплывам апошніх падзеяў.

Праект атрымаў назву #АртыстыПерамогі і прысьвячаецца ўсім нязломным дзеячам культуры, якія, нягледзячы на ціск, затрыманьні і арышты, працягваюць тварыць і тым самым набліжаць агульную перамогу, гаворыцца ў анатацыі кіраўніка фонду Сяргея Будкіна.

23 студзеня на YouTube-канале #BY_Culture стартуе сэрыя бясплатных онлайн-канцэртаў. У далейшым выступы будуць кожную суботу, пачатак — у 20.00.

Сярод заяўленых калектываў — Tor Band, «Петля Пристрастия», N.R.M. ды іншыя.

Арганізатары кажуць, што запрасілі годных музыкаў, якія выявілі актыўную грамадзянскую пазыцыю, былі на маршах, зазіралі ў двары, пісалі пратэставыя трэкі і здымалі відэа.

Першымі 23 студзеня выступяць рагачоўскія хлопцы з гурту Tor Band. Іх песьні «Мы не народец», «Жыве», «Уходи» ды іншыя сталі сапраўднымі сымбалямі пратэсту. Малавядомы раней калектыў цяпер зьбірае сотні тысяч праглядаў.


30 студзеня а 20-й онлайн-канцэрт дасьць «Петля Пристрастия», 6 лютага ў той жа час — N.R.M. Імёны астатніх выступоўцаў будуць названыя пазьней.

Трансьляцыі бясплатныя, але пры жаданьні падтрымаць дзеячоў беларускай культуры можна ТУТ.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG