Лінкі ўнівэрсальнага доступу

Трамп зьбіраецца стварыць новую партыю


Дональд Трамп

Пра гэта паведаміла, са спасылкай на свае крыніцы, газэта The Wall Street Journal.

Паводле выданьня ў апошнія дні Дональд Трамп размаўляў з паплечнікамі аб фармаваньні новай палітычнай партыі, каб аказваць уплыў на амэрыканскую палітыку пасьля сыходу зь Белага дома.

Ён, піша газэта, хацеў бы назваць новую палітычную арганізацыю Патрыятычнай партыяй.

У апошнія дні абвастрыліся адносіны Трампа з многімі лідэрамі Рэспубліканскай партыі. Лідэр рэспубліканскай большасьці ў Сэнаце Мітч Макконэл учора заявіў, што Трамп справакаваў забурэньні ў Капітоліі 6 студзеня.

Аднак апытаньні грамадзкай думкі паказваюць, што Трамп захоўвае папулярнасьць сярод значнай часткі шараговых прыхільнікаў Рэспубліканскай партыі.

Белы дом адмовіў ад камэнтароў наконт плянаў стварэньня новай партыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG