Лінкі ўнівэрсальнага доступу

Андрэя Аляксандрава і Ірыну Злобіну прызналі палітвязьнямі


Сьледчы ізалятар на вуліцы Валадарскага ў Менску, дзе ўтрымліваюць Андрэя Аляксандрава. Архіўнае фота
Сьледчы ізалятар на вуліцы Валадарскага ў Менску, дзе ўтрымліваюць Андрэя Аляксандрава. Архіўнае фота

Беларускія праваабарончыя арганізацыі ў супольнай заяве прызналі палітычнымі вязьнямі мэдыямэнэджара Андрэя Аляксандрава і ягоную сяброўку Ірыну Злобіну.

Аляксандрава і Злобіну затрымалі 12 студзеня, яны падазраваныя ў крымінальнай справе паводле арт. 342 (арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх). Праз два дні ў офісе БелаПАН, дзе мэдыямэнэджар у 2014–2018 гадах працаваў намесьнікам дырэктара, адбыўся ператрус з канфіскацыяй часткі тэхнікі і носьбітаў інфармацыі. У пастанове фігураваў артыкул 293 КК (масавыя беспарадкі). 15 студзеня ў дачыненьні да журналіста абралі меру стрыманьня ў выглядзе ўзяцьця пад варту на два месяцы.

Аляксандраў і Злобіна падазраюцца ў «фінансаваньні пратэставай дзейнасьці», заявіў на мінулым тыдні намесьнік кіраўніка МУС Генадзь Казакевіч. Паводле міліцэйскага чыноўніка, Аляксандраў дапамагаў аплачваць штрафы асуджаным за пратэсты, сродкі для чаго перадаваліся фондам ByHelp.

У заяве праваабаронцаў гаворыцца: «Збор добраахвотных ахвяраваньняў грамадзян, а таксама прадстаўнікоў беларускай замежнай дыяспары і дапамога ў аплаце штрафаў асобам, якія былі прыцягнутыя да адміністрацыйнай адказнасьці толькі за факт удзелу ў мірных сходах і рэалізацыю гарантаваных Канстытуцыяй Беларусі і міжнароднымі нормамі права ў галіне правоў чалавека свабодаў мірных сходаў і выказваньня меркаваньня, ня мае нічога агульнага ь фінансаваньнем якой бы там ні было супрацьпраўнай дзейнасьці і, адпаведна, не зьяўляецца злачынствам».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG